Foster care must remain whānau first - Marama Fox

Heta Gardiner
  • Tāmaki Makaurau

Ko tā Marama Fox o te Pāti Māori, he kaha ake tā rātau whakahē i te Pire Oranga Tamariki ki tērā o rangitāhuahua.

Kei te pērā rawa te mārō o te whakahē o te pāti i te pire, e haukoti ana i te whakahau kia tukuna ngā tamariki kei raro i te haumaru o te kāwana, kia tirohia tuatahitia ngā whānau o aua tamariki hei kainga mā rātau.

He kaupapa kua whakatōtara wāhi rua i te whare pāremata. Engari he ahu tahi te whakatau o te Pāti Māori mō te Pire Oranga Tamariki.

Ko te whakahē matua o te Pāti Māori, ko te wāhanga o te pire e haukoti ana i te whakahau kia tukuna ngā tamariki Māori kei raro i te haumaru o te kāwanatanga, kia tirohia tuatahitia ngā whānau Māori aua tamariki rā hei kainga mā rātau.

Ā i whai tautoko ia ki taua tirohanga, i te Pāti Kākāriki.

Engari he hoa kei te koko o Nāhinara, mō te wāhanga o te pire e aro ana ki te Māori.

Ko tā te minita ko te arotake o te pire nei ko te hauora o ngā tamariki.

Ka pānuihia tuaruatia te pire nei hei te tau kei te tū mai nei.