Flavell eyes Māori initiatives in Whangarei

Dean Nathan
  • Te Tai Tokerau

Ko nga kaupapa e whakahaerehia ana ki raro i te korowai Maori te aronga o te Minita Whakawhanake Maori i tana haerenga ki roto i Te Taitokerau i tenei wiki.  No te ra nei ka tirohia haeretia e Te Ururoa Flavell me tana ope nga huringa o Whangarei. 

Kahore i tua atu te kahurangi o Whangarei a Sheryl Mai hei arahi i te Minita Whakawhanake Maori i nga kaupapa e whakarite ana hei painga mo te iwikainga?

Hei tā Flavell, “Ko te aata titiro ki nga kaupapa e whakahaeretia ana e Te Puni Kokiri ki konei aa whanau ora aa Moving the Maori Nation aa hanga whare era ahuatanga katoa.

“Taihoa ake nei  ka kite mai ait e mahere whanui tonu e pa ana ki tetahi wahanga o Whangarei tera pea ka taea e te kawanatanga te awhina.”

Ko nga timatanga o te whare toi o Hundertwasser me Te Whare Tikanga Maori mo Whangarei me Te Kura Hourua o Whangarei a Te Kapehu Whetu etahi tino kaupapa ka tirohia e te minita.

Hei tā Flavell, “He pai tonu te kite atu e whai wahi ana a Ngai Maori I roto I Whangarei Terenga Paraoa a turuhi a matauranga a pakihi ko te mate kee kahore ano kia kite I tetahi whakakotahitanga me kii kit e whakatinana I nga kaupapa .  I korerohia I t era nei engari me kii he timatanga noa ake tenei.”

E toru nga ra o tenei haerenga a te minita kia tirohia haeretia nga kaupapa mai i Whangarei ki Kaitaia e whakahaeretia k iraro i te korowai Maori i runga ano i te aata tirotiro a te kawanatanga ki nga rohe puta noa e rongo nei i te ngau o te poharatanga.

Hei apopo ko tae atu te minita me tana ope ki Kaikohe.