First of homeless families arrive at Te Puea Marae

  • Tāmaki Makaurau

Tahuti mai rā. Ko Manaaki Tangata te kaupapa hou a Te Puea marae hei whakamaru, hei tāwharau hoki i te hunga kāinga kore. E ai ki te māngai mō te marae a Tukoroirangi Morgan, he oranga ngākau tēnei kaupapa mā te hunga rawakore o Tāmaki Makaurau.

Kei te tūwhera ngā kūaha o Te Puea Marae ki te manaaki i ngā whānau e noho korekainga ana i Tāmaki Makaurau, whēnei i a Tony me tōna whānau.

“We've found ourselves without a house so, we're just, we're just trying to seek some support, we've got our name on the housing list and that, but it's still a waiting game,’ says Tony LePage.

Ko te aronga o Manaaki Tangata, ko te tāwharau i ngā whānau korekainga mō te wā poto nei, i tēnei wā hōtoke.  Ā, ka haere tonu ngā kaupapa o te marae, whērā i ngā tangihana me ngā hui.

E ai ki a Dennis, “Ko te mahi Manaaki Tangata, kei reira rā, ā muri mai o te kihini nei, ngā tari, ngā wāhi kai, ngā moenga, ngā rūma mō te kōrero kanohi kitea.”

Ko ngā kākahu mahana mō ngā pakeke, tamariki hoki ngā kai korepīrau, ngā paraikete, te koha putea, me ngā wāhi noho mō te wā poto noaiho, ngā mea e tonoa ana e te marae ki te marea.

Ā, e whai ana ngā kaiwhoatu i te karanga o te kaupapa.

Hei tā Te Aroha Alec Hawke nō Ngāti Whātua, “Te Puea marae has always been very very close to us at Ōrakei marae, and just so happens, today is the 35th anniversary of the eviction at Bastion Point. I remember Te Puea helping us back then, so when we saw the Facebook page we immediately thought that we could offer blankets, whatever we could gather.”

Ko tā Blair McKenzie, kaikōmihana ā rohe mō Te Manatū Whakahiato Ora i ngētahi tauākī ki a Te Kaea e mōhio ana mātou, kei te whakarite rautaki te marae, me pēwhea te awhi atu.  He moata tonu te wā, ā, ka mahi tonu mātou i tō rātou taha, ka pēwhea te tari o Te Hiranga Tangata e tautoko ā putea.

Hei tā Kaanga Skipper he Kaimahi Hauora, “Kei konei a Te Puea ā wairua i roto i a mātou.  Mehemea i tupu tika au i roto i aku whakatupuranga, ko rongo au i tōna ngākau, e kī ana manaakingia te tangata.”

Ka manaaki tonu te marae, kia whiwhi āwhina katoa ai te hunga korekainga.