Kaupapa: Politics

First Aboriginal woman elected to Australian House of Representatives

  • Ahitereiria

Kua whai tūranga te wahine tuatahi mai i te iwi moemoea ki te Whare Paremata o Ahitereiria. Engari, e noho tarewa tonu ana te whakatau, mā wai hoki e whakahaere te whenua nei. Kei a Harata Brown ngā whakamahuki.

Linda Burnley, he ihorei mō te iwi moemoea me ngā wahine i Ahitereiria.

Hei tā te pukenga ako a Jessa Roger, he mea whakamīharo rawa te putanga toa mai o Burney ki te iwi moemoea.

Engari, hei tāna, nā te noho taukumekume o nga hua o te kōwhiringa pōti kāhore hoki ia i te mōhio, ko wai ka hua, ko wai ka tohu.

E 76 katoa ngā pōti me riro i tētahi rōpu torangapū, kia whakahaere i te whare paremata 150 mema te tokomaha.  Na, kāhore anō ngā rōpu matua pēnei i te rōpu Liberal National Coalition, ko Malcom Turnbull hoki te kaiarahi, me te Rōpu o Labor, e arahina ana e Bill Shorten, kia riro pōti e tika ana kia puta toa mai.

Hoino, e tumanako nui ana te kainoho Māori a Chris Barber, ka puta te rōpu Labor ki runga. 

Hei tā Barber, “Ko te tumanako ka tae te Paati Labor ki runga i te taumata, ko te Paati Ripera, i whakatōngia te ture kangakanga ki runga i ngā Kiwi, ngā Māori puta noa i tēnei motu.”

E ai ki ngā tatau pōti a te Komihana Pōti o Ahitereira, e 71 ngā tūru e mau nei i te rōpu Labor, ā, e 67 ngā tūrū e mau nei i te Rōpu National Liberal Coalition. E whanga tonu mai ana ngā hua o ngā tūrū e ono, ā, ko te matapae, ka puta etahi hua hou apōpō.