Explosive series screens on Māori TV

  • Te Tai Tokerau
  • Te Waipounamu
  • Ahitereiria

E ai ki tetahi ringatohu mo tetahi hōtaka hou a Whakaata Māori, ko te reo me te ahurei a te Māori ngā pou o tona hōtaka. Nā Rangi Rangitukunoa e tohu ana ia Kairākau, e hotaka ana e kōrero ana mo ngā Toa Māori o mua.

Kua whakapau werawera a Rangi Rangitukunoa mo ngā marama e iwa kua pahure nei, me te aha kua kitea ngā hua.

“Ko ngā rereketanga o ēnei hōtaka e rata mai ki au no te ao Māori katoa ēnei, ko te reo tēra, ko te whare o Tū, ko ngā mahi whakaari, ka mutu ko te mea nui, he kōrero tūturu ēnei, kaore i te hanga mo te hanga noa,” hei tā Rangitukunoa no Tauranga Moana.

I tenei wiki whakaatu atu a Kairākau ki runga i a Whakaata Māori, he hotaka e whakanui Ana I Nga Toa Māori.

E ai ki a Rangitukunoa, “I au e tipu ana haere ana ki Mokoia ki ngā wānanga mau rakau ki raro i te maru o Koro Mita. Ka whakakaangia taua whakaaro ki roto i ahau ka tino piata mai te āhua o ngā tūpuna, ratou e maia ana, e haerere haere ana i te motu, i taua takiwa ki te whawhai ki te kakari.”

Ehara I te mahi ngawari, na te maha o ngā taiapa, i āhua uaua te haere.

“I ētahi wā e toru ra hopu matou i tetahi purakau kotahi, he uaua tera na te mea kaore ano matou e takahi ana i tera ara,” hei tā Rangitukunoa.

Engari kua hikina e Rangitukunoa te wero nei.

“Kia tū whakahihi a Ngāi Māori i te kitenga atu o wa matou ao Māori. I mua i te taenga mai o te Pākehā, ahakoa e pohehe ētahi ko te kakari te kaupapa nui o tēnei kaupapa, ehara, ko ngā tupuna te iho pumanawa o tēnei kaupapa, kia hoki mai ratou,” hei tā Rangitukunoa

Ka whakaatu atu a Kairākau ki runga i a Whakaata Māori ia Wenerei mo Ngā wiki e waru kei mua i te aroaro.