Kaupapa: Housing

Emergency housing grants for homeless

  • Te Tai Tokerau
  • Tāmaki Makaurau
  • Waikato/Te Waiariki
  • Te Tai Hauāuru
  • Te Tai Rāwhiti
  • Te Whanganui-ā-Tara
  • Te Waipounamu

E tautoko ana Te Marae o Te Puea i te tohanga pūtea hei tono mā ngā whānau e kimi kāinga ohorere ana. Hei te tuatahi o Hōngongoi te pūtea taurewa nei ka mana, he pūtea e kore e mate ai ngā whānau te whakahoki atu ki te manatū. Hei tā Hurimoana Dennis, he tānga manawa tēnei mā ngā tini whānau pōkaikaha kua hou atu ki te marae.

E pōwhiri mai ana a Dennis i te koha āwhina hou mō te hunga e whai kainga ohotata ana, hei āwhina nui mō ngā whānau kei te tāwharautia e rātou.

Hei tā Dennis, “Tino pai, kei te harikoa rātou, ētahi o ngā whānau kore, inā ka rongo tēnā, kei raro rā te stress levels kē.  Ae he pai ake tērā rautaki o te kāwana.”

Koatu i te kotahi mano tāra ia wiki kua utua e ngētehi whānau mō ngā whare raro poto, ka mutu, e whia mano tāra ō rātou nama.  E taunakitia ana te koha āwhina pūtea nei e tētehi kaipupuru mōtera, e tuku rūma ngāwari noa te utu ki ngā whānau i Te Puea.

Ea ia ki tetahi kaiwhakahaere mōtēra a John McMeekin, “It's a positive for the families that have been struggling, and have had to repay debts to WINZ, and it's just gonna take a lot of pressure off the families.”

Nō tērā marama i puta ai te whakatau a te minita whare papari mō te koha āwhina hou i te tāhua.  Ka whakatata te wātea ake o taua koha āwhina mai i te marama o Mahuru ki Hōngongoi kē, nā te nui o te hiahia, kia horo hoki tā rātou whiwhi āwhina.

Hei tā McMeekin, “It's been quite sad because, the families come in, they've got children, they stand in the lobby and the children are in the corner, head down.  It's really really sad.”

E ai ki a Dennis, “Kei te taupatupatu mātou ngā kaiāwhina i waenganui o te whānau, ko te take ko te kaupapa nei, kei te mārama ake, hei aha tā rātou nei tino mamae, tino āhuatanga, he aha tō rātou nei moemoeā.”

Ka wātea te koha āwhina hou hei te Rāmere