Early detection of Rheumatic fever in Waiariki region pays off

  • Waikato/Te Waiariki

I te Moana a Toi kei te mihi tētahi ringa haumanu i ngā kura e tautoko ana i ngā mahi ārai i te mate rūmātiki o te manawa. Hei tā Tākuta John Malcolm o te Hauora a Toi, nā te ūkui i ngā korokoro o ngā tamariki i ngā kura, ka tere kitea ai te pā mai o taua mate, ā, kua haurua tōna whiu.

Kei te ūkuia te korokoro o Te Rauaroha Mariu-Smallman, e Tina Biddle o Tūhoe Hauora kia kitea ai te kitakita Strep-A, inā ko te hunga tamariki kei ngā tau e rima ki te tekau mā whā, te hunga ka nui ake te tūpono pāngia e te mate rūmātiki o te manawa.

Hei tā Dr Malcolm, “In the time a child is at school in the Eastern Bay in Ruatahuna they have a 1 in 40 chance of getting RF, or if you're in Kawerau about 1 in 80, or Opotiki, 1 in 100, that order of magnitude.”

Tōna tekau ngā tamariki e hemo ana i te mate rūmātiki o te manawa, i te kino o te mate ki te manawa rānei. Ā, ka whiua hoki te hunga pakeke nā taua mate anō.

“If you compare Māori with rheumatic heart disease and Pākehā with rheumatic heart disease, Māori died 22 years earlier.”

I roto i ngā tau e rima kua tautokohia e ngā kura o Tūhoe, Te Whakatōhea me Tūwharetoa ki Kawerau ngā mahi ārai i taua mate. Nā tērā kua heke haere ōna tūkinotanga. Heoi kāore tēnei kaupapa i ngā kura o Ngāti Awa, ā, kua huarua taua mate i waenga i ngā tamariki. He mea nui tēnei whakatauritenga.

“Those areas with school programmes, we saw the rates halve and we've got good statistical evidence to show that.”

Ko te tumanako o John Malcolm, ka aro tonu te kāwanatanga ki ngā painga o te kaupapa i roto i ngā kura hei ārai atu te mate rūmātiki o te manawa.