Ngā kaupapa: Elections, Politics

E whēke nei a Harawira ki te pupuri tonu ki tōna tūru i Te Tai Tokerau

Heeni Brown
  • Te Tai Tokerau

Ko te tautohe whakamutunga o Kōwhiri Tekau Mā Whā inapō, te taumata i kitea ai te kaiārahi o MANA, a Hone Harawira e whēke nei ki te pupuri tonu ki tōna tūru i Te Tai Tokerau.  He mea whai tēnei i ngā tatauranga pōti a Whakaata Māori e mea ana, ko Kelvin Davis e whai muri tata ana i a Harawira.

Kei muri rawa a Te Hira Paenga o Te Pāti Māori i ngā mangonui o te whakataetae mō Te Tai Tokerau, engari he pioke tēnei e whēke tonu ana te whai reo ki tēnei taumata.

Ki te tonga o te rōhe pōti nei ki Te Atatu kitea ai te hunga ringa raupā e waha ana i ngā uauatanga o te mahi, me te mea nei, he uaua tonu ki te utu i ngā pire. 

Koirā te pātai i toko ake ki te Pāti Māori, he aha kei tō rātou kaupapa here a Whānau Ora ki te whakatika i ngā mamaetanga o te tōkai tamariki ki te hapori o Pāmapuria.  Engari auare ake.

Ahakoa ngā tatauranga pōti o te wā, kotahi anahe te pōti e whai mana ana.  Ko te ranginui tērā mō ngā Kōwhiringa a te Rāhoroi, ki reira kitea tūturu ai, ko wai ngā tino toa.