Kaupapa: Cook Islands

E whakatairangatia ana e te Minita te kaupapa o te wiki o te Reo Kuki Airini

  • Tāmaki Makaurau

Hei whakanui i te wiki o te Reo Kuki Airini, i puta atu te Minita Take Moana Nui-a-Kiwa, ki Pāharakeke ki te kauhau i te kaupapa o tēnei tau, arā kia napinapi i te hinengaro o ngā pīpī kuki airani, kia puta ai rātou hei rangatira mō āpōpō.

He take nui, te tautoko i ngā kaupapa reo Kuki Airani, hei tā te Minita Take Moananui-a-Kiwa, kia ora ai te reo hei taonga mā ngā uri whakatupu

Hei tā Caren Rangi, he uri kuki airani e noho ana ki te Matau-a-Maui, kāhore ia e whakapono ana e mate haere ana te reo Kuki Airani , engari, e āwangawanga nui ana ia, mō te tukunga atu o te reo ki te hunga rangatahi. 

Ki Ukutoia, i Tāmaki Makaurau, i puta mai ngā uri Kuki Airini nei ki te hanga i ēnei ei hei kaupapa whakapoapoa i ngā uri kuki airani, kia noho tahi ki te kōrero i tō rātou reo rangatira.

He haurima o ngā iwi Moananui-a-Kiwa o te motu, he uri nō ngā Kuki Airini, ā, he rahi ake i te 60 mano tāngata te tokomaha, ka mutu, he 76 paihēneti o ngā uri Kuki Airini i whānau mai i Aotearoa nei.