Kaupapa: Christmas

E whakariterite ana te Mīhana o Tāmaki ki te haūtū i te tina nui o te Kirihimete

Wepiha Te Kanawa
  • Tāmaki Makaurau

Kua tīmata ngā mahi whakariterite mō te kai o te rā nui kirihimete ki te wāpu o Tāmaki nā te Mīhana o Tāmaki Makaurau.

I tēnei tau he rua rau whā tekau kirokaramu o te heihei, he toru rau kirokaramu o te hāmu , ā, he whitu rau kirokaramu te nui o ngā hua whenua kei te rarangi kai i tēnei tau.

Ko tā te tumu whakarae o te Whare Mihana o Tāmaki ko tā Diane Robertson, “Mēnā kei te whānagai i te rua mano tāngata e rite ana ngā mahi ki tētahi kaupapa ope tauā kei te tae tonu mai ngā taputapu mo ngā tēpu, te kīhini te kai hei tunu me te katoa o ngā perehana mo ngā tamariki."

He rua tekau tau a Ken Samson e tautoko ana i nga mahi a te Mīhana o Tāmaki, hei ko tāna, kua rarata mai nga kaitūao penei i te whānau.

Ko tā Diane Robertson, he tau uaua tēnei mō ngā whanau maha o te motu.

“Tokomaha ngā whānau kua whai i ā mātou pēke kai, ko te nuinga o aua whānau he Māori, he whanaunga ā motu, ko te āhuatanga pōuri kua kaha piki ake ngā whānau e whai āwhina ana." 

Ahakoa he ruarua noiho ngā tangata kei kōnei i tēnei wā iti ake i te whā tekua mā waru haora ka karamuimui te iwi ki konei ki te wāpū o Tāmaki Makaurau, mō te kai o te rā nui mō te kirihimete.