Kaupapa: Christmas

E whakarite ana te Mīhana o Tāmaki Makaurau mo te tina nui o te Kirihimete

  • Tāmaki Makaurau

Ia tau, ia tau ka whakapau werawera Te Mīhana o Tāmaki Makaurau ki te whakatū hākari mā te tini me te mano tāngata ka noho mokemoke, ka noho korekai, kore kāinga rānei i te rā o te Kirihimete.

Ko te mea nui o tēnei hākari, ko ngā kai-mahi, he kai-āwhina katoa kua tau atu i runga i te ngākau aroha, kia mahi mō te kore utu.

Koia tēnei ko te hunga kaimahi, ka tae mai ia tau, ki te awhina i te kaupapa, ki te takoha ia rātou pukenga, te wā e wātea ana rātou, na runga i te kaupapa humarie o te Kirihimete.

Kāti ra, na ngā ringa tao kai te mahi nunui ki te tunu e 240 kirokaramu ngā heihei, e 300 kirokarama ngā waewae poaka, e 700 kirokaamu ngā huawhenua.

He tieri me te ahi kirimi, he rare ano hoki, tapiri atu ki te maha o ngā perehana ka tohatohatia ki te marea.

Ka tuwhera ngā tatau o te Whare Tapere Viaduct hei te haurua i te tekau ma tahi apopo, ā e whakapaetia ana, tata ki te 2500 ngā tāngata ka tae atu o te hākari.