Kaupapa: Entertainment

E whakarite ana te kaitātaki a Whakaata Māori mō te Whakataetae Wāhine Rirerire o te Ao ki Haina

Mānia Clarke
  • Te Tai Tokerau
  • Tāmaki Makaurau
  • Waikato/Te Waiariki
  • Te Tai Hauāuru
  • Te Tai Rāwhiti
  • Te Whanganui-ā-Tara
  • Te Waipounamu

Kua timata te kaiwhakataki o Whakaata Māori a Jess Tyson ki te whakarite mā te whakataae Miss World i Haina.

Nōnā e mahi ana hei Wahine Ātaahua Rirerire o Aotearoa, i whakaputa i a ia te kino o te pāwhera kua tau i a ia e tamariki ana.

Hei tā Tyson, ehara ko te āhua ō-waho te tino purotu.

“Kaua e pōhehe, ko te ātaahua o te wahine te aronga nui engari,” i mea atu ia, “ko te kaupapa nui o te whakataetae, ko te whakamana i ngā rangatahi huri noa i te ao.”

Mai i tōnā whakawahi hei Wahine Pūrotu Rirerire o te ao ki Aotearoa, kua pukumahi a ia ki te whakaoti i ngā mahi ka whakawāngia ia, whērā i tētehi ataata mihimihihākinakina, ngā mahi a rēhia me tōna kaupapa nui "Kia Māia" ki te kōrero atu ki ngā mātatahi mōna hei pourerenga i pākinotia e te taitōkai.

“He tino uaua ki te whakarite i ngā mahi, engari, ko te aronga mōku, ki te awhina i te hunga kua taitōkaitia.”

Ko te tū toa i te ao hei poutokomana mō te painga atu tāna kai.

“Ko te mea matua kia ahau, kia kite ai ngā rangatahi, ka taea e ratou o rātou moemoeā te whakatutuki. Ahakoa ngā piki me ngā heke.”

Ka wehe atu ia ki Haina āpōpō ki ngā huihuinga maha i reira mō mua i te Whakataetae a Ao tua ono tekau mā waru, ka tū ā te tuawaru o Hakihea ki Sanya.