E whakaponotia ana e ngā kainoho o Pipiwai nā te whakatau a te kaunihera e hāngai ai te titiro ki ngā rori puehu

  • Te Tai Tokerau

Ahakoa kua roa te Whare Taonga o Hundertwasser e wawatatia ana kia whakatūngia ake ki te taone o Whangarei, nō te rā nei, ka toromi ērā tumanako whai muri i tētahi noho whakatau a te Kaunihera o Whangarei.

Kii pai te taiwhanga kaunihera nei i te tini o te tāngata i tae a tīnana mai ki te whakarongo ake ki ngā whiunga a tēna, a tēna

E 8 ki te 6 ngā pōti, i whakatau ake i te tangohanga ake o ngā wawata mō te Whare Toi o Hunderwasser, i te Rautaki Roa a te Kaunihera mō ngā tau rua mano tekau mā rua tae atu rā ki te tau rua mano rua tekau mā rua. 

Ka mutu, ko ngā whakatau o mua a te Kaunihera e hāngai ana ki te whare toi rā, ka hutia ake.

Mō te roopu porotēhi o ngā rori o Pipiwai, o Titoki i te takiwa o te rohe kaunihera o Whangarei, he karere pai tēnei, tā te mea, kei huri pea te aro inaianei a te Kaunihera ki te whakatika i ngā rori puehu e kaha rongo ana i te tūtūnga o te puehu.

Engari hei tā Soloman Tipene, ko ngā puehu rā e rongohia ana ki Pipiwai, he take kei tua atu kē i ngā ringaringa o te Kaunihera o Whangarei.

I wawatatia rā te Kaunihera, kia tuku i te 13 miriona taara ki te whakatū i te Whare Toi ki te riu o te Taone, e 8 miriona taara o aua moni, i wawatatia rā kia ahu mai i te utu tuku rēti.