Kaupapa: Elections

E whakapono ana a Rangi McLean ka taea e ia te pupuri tonu i te ūru o Tāmaki mo te Pāti Māori

  • Tāmaki Makaurau

Mei kore ngā tautoko a te tini mano tāngata o Tāmaki Makaurau, i whai hua ai a Rangi McLean i te hui pōti māngai, a te Pāti Māori i tū inanahi, na reira koia ka pakanga mō te rohe pōti o Tāmaki.

Hei tā Tunuiārangi Rangi McLean, “Māngai mō Tāmaki, Pāti Māori

E tino koa ana te ngakau i runga te tautoko, i kite au i te tautoko o te Ahi Kā, o te Mana Whenua, o ngā Matāwaka i roto o te rohe nei o Tāmaki Makaurau i taku tū, na reira koinei te tino koa.”

Ahakoa kahore ano kia whakaritea e ētahi atu o ngā roopu torangapu, a ratou māngai hei tohe atu kia Rangi mō te tūru o Tāmaki, ratou e tōroa nei,  tārewa nei te tohu māngai, kāre he aha kia aia.

Ahakoa kei ngā kapua tonu te wairua e rere hāere ana i tēnei wā, e kore e whai wā ki te nohopuku, engari ko te whakakao mai i te Pāti me ona peka katoa ki te hanga he rautaki hei anga whakamua hei kake whakarunga.

“Kei te hui matou a tēnei wenerei e tū mai nei, ki te whakatakoto, te whiriwhiri i ngā whakāro, te titiro i ngā rautaki mō te mau o te tūru nei ki raro i te korowai o te Pāti Māori.”