Kaupapa: Waka Ama

E whakapeto ngoi ana ngā tira Waka Ama

Rahia Timutimu
  • Waikato/Te Waiariki

Ko te whiringa toa tuatahi o te ra, ko te wahanga takawaega ma ngā tamatane rima rau mita te tawhiti, a kei mua noa atu ngā kapa tere rawa o te whakataetae a Ngā Aukaha no Otaki me Duck Rodgers no Horouta.

He tino whakataetae ki waenganui I a rauatahi engari I te mutunga iho ko Duck Rodgers I puta ki mua.

Mō te taha ki ngā tamāhine, mārakerake ana te kitea ko wai te tino toa o tēnei reihi, ko Hinekura no Mareikura tera I haukerekerea ngā hoariri kia eke panuku ma te waka kotahi.

Hei tā rātou, he angitu  tēnei hei whakahonore I to rātou karapu.

Ki te wahanga J16, I kitea te kounga o ngā kapa katoa, na whai ano koinei te reihi papai o te ra, a pera I te wahanga takawaenga ma ngā tamatane he tino pakanga ki waenga I ngā kapa e rua no Tamaki Makaurau, ara ko FMB no Akarana I te ara tuatahi me "Push to the max" no Waitakere I te ara tuarima.

Heoi, ko Waitere tera I kapo ake I to ratou metara kōura tuatahi.

Ko ngā kapa tamahine J16 no Turanganui a kiwa a Karawhiua no Mareikura me Whetumatarau no Horouta ngā kapa makau, pakanga hoe ki te hoe mo te reihi katoa engari I te mutunga iho ko Whetumatarau I te ara tuarua I whakaihuwaka.

Ahakoa ngā angitu o te rangi nei, he rā ano apopo, a he reihi takitahi te mahi ma te katoa.