E whakapaetia ana he mahi a te nanakia te ahi i pā ki te kura o Richmond

  • Tāmaki Makaurau

Ohorere ana te Tari Patu Ahi i te muranga mai o etahi ruma i te Kura o Ritimana i Tāmaki Makaurau, i te atapo o te Rātapu, me te whakapae ano, he mahi tēnei na tētahi nanakia.

Pouri ana ngā whanau me ngā kaiawhina o te kura, mō tēnei mahi kikino kua pā mai nei kia rātou.

E ai ki tētahi o ngā kaiawhina reo a John MC Caffery, he kura tēnei kua roa e tauawhi ana i ngā momo iwi me ngā momo reo katoa, a ko rātou ka rongo i te mamae me te pouri.

Kei te rangahau tonutia tēnei mahi kino e te ture, i runga i te whakapae na tētahi nanakia i āta tahu te ahi nei.

Ko te tumanako a Te Whānau Whariki o te Kura o Ritimana a tona wa, kia takia ngā karakia hei whakawātea i ngā ruma me ngā taputapu i kaingia e te ahi.