Kaupapa: Housing

E whakapae ana tētahi MP o Reipa, kāre Te Pāti Māori e hiki ana i ngā uauatanga o te hoko whare mō Ngāi Māori

Heta Gardiner
  • Tāmaki Makaurau

E whakapae ana te mema pāremata Māori o te Rōpū Reipa mō Ikaroa-Rāwhiti a Meka Whaitiri, kaare Te Pāti Māori i te kaha akiaki i te Kāwanatanga ki te kimi huarahi e ngāwari ai ngā ara mo Aotearoa ki te hoko whare ngāwari noa te utu i Tāmaki Makaurau.

E mau pū ana te mema nō te Ikaroa-Rāwhiti a Meka Whaitiri ki ōna kariri.

Ko tōna whakahē ki te Pāti Māori i pupu ake whai muri i ngā whakahau a te kaiārahi takirua a Marama Fox ki ngā keremē a te Pāti Reipa mō te tokomaha o Haina e hoko whare ana ki Tāmaki Makaurau. 

Me te whakapāe, he mahi whakahāwea iwi te Pāti Reipa. 

I puta ētahi whakaaturanga mai i a Reipa mō te hunga o tāwāhi mō te hoko whare.  

E mea ana rātou whā tekau ōrau te hunga hoko whare i roto i te toru marama e whakaatu ana i ngā īngoa Hainamana. 

Me te whakapono a Meka Whaitiri, kahore anō te Pāti Māori me te Kāwana kia whakautu i ngā īnoi a te Māori mō te hoko whare ngāwari noa te utu i roto o Tāmaki.