E whakapae ana ngā pirihimana i āta tahuna te ahi pātata atu ki te marae o Tamapahore

Mere McLean
  • Waikato/Te Waiariki

Kei ngā pirihimana o Tauranga ētahi īngoa mō te hunga e pā ana ki tētahi ahi i tau ki runga i te tari o te Manatōpū o Mangatawa i te tekau mā tahi karaka i te pō o te Rātū.

Ngā mahuetanga a Hinemahuika ki te rūma hui o te tari o Mangatawa Papamoa.

Ko Mangatawa he rōpū tiaki whenua Māori.  Kei muri rātou i te marae o Tamapahore, he whare kua rua tekau mā rima tau e tū ana ki konei. 

E ai anō ki a Kevin Haua inā ngā take ā-iwi kua whakatauhia ki roto i tēnei whare.

E ai ki te Heamana o Mangatawa, a Kevin Haua, “He whakawhanake i ngā whenua, kia pai mō te Rangatahi, he tuku karahipi.  Kei te kite koe i ngā whare kua whakatū mō te iwi.”

Ko tā ngā Pirihimana o Tauranga kua nui tonu ngā ahi inatata nei, engari rā tēnei he mōrearea mate tōna.

Ki tā ngā pirihimana he mahi ōhiti kē tēnei, heoi anō he īnoi nui tā rātou ki te iwi whānui.

Hei tā te Kairapuhara, a Alan Kingsbury, “He karanga tēnei ki ngā mema o te hunga whānui, ngā mema o te hapori kia tutuki i a mātou tēnei kaupapa.”

Kua tū ngā mahi ki tari kia mutu rā anō ngā pūrongo a te āpiha ahi me te tari inihua.