E whakanui ana te kura o Motatau i tōna huritau kotahi rau

  • Te Tai Tokerau

Tū tonu mai ana te kura o Motatau i te whārua o Motatau, me te mea hoki, kua kotahi rau tau e whakahaerehia ana ki tēnei wa kainga Māori o roto i te rohe o Ngāti Hine, o Ngapuhi Nui Tonu.

Ahakoa he Kura Reo Rua a Motatau inaianei, kihai hoki e tu nei ki ngā whenua tuturu o te Kura, arā ngā maharatanga maha, i puta i ngā akonga, i ngā kaiako o mua hoki i te rā nei.

Hei tā Pita Paraone, “Etahi horekau i kite atu mai i te mutunga o matou i hāere tahi ki te kura nei, engari he ahua rereke te ahuatanga o ena, ētahi atu, engari ko te mea nui ka kite mai i a matou kei te ora tonu.”

I timata ake te kaupapa inanahi, ka mutu, he matakitaki whakaaturanga, he tango whakaahua o nga akonga o mua, he takaro haakinakina hoki ētahi o ngā kaupapa ka oti nei i te hunga ka tae ake ki tēnei huinga.

He hāere ki te Waahi Tapu, ki Waerenga i mua i te whakakapinga o te kaupapa ki Motatau marae, e wawata ana mō te rā whakamutunga apopo.