Kaupapa: Fashion

E whakamīharo ana te whakaaturanga o Miromoda ki te Wiki Whakakite Pueru o Aotearoa

Wepiha Te Kanawa
  • Tāmaki Makaurau

Koinei ngā tohunga whatu pueru, mātanga mau kākahu o te ao Māori ki runga i te papa hīkoi kotahi.

E ai ki a Mitchell Vincent nō Ngāti Tūwharetoa he whānau kotahi a Mirmoda, ka hui ia tau ki te whakaatu i a rātou mahi.

I kōwhiria ngā kaiwaihanga pueru tekau mā toru nei o Miromoda nō tētahi puna iti nō ngā kokonga o te ao.

E ai ki te rangatira tuarua o Miromoda a Ata Te Kanawa kei te koa tana ngakau ki ngā mahi i puta ki runga i te papa hikoi.

Heoi he wawata tēnei i tutuki e Bobby Campbell nō Ngāti Ruanui te whakaatu i āna kākahu ki te hui pueru nui o Aotearoa.

I mea mai a Bobby Campbell Wahawaha Luke nō Ngāti Ruanui ki a Te Kāea I timata ia hei kaiāwhina, e kohi para ana.

I timata ake ia hei kaiāwhina, ināianei e hoko tīkiti ana te marea ki te kite i tana whakaaturanga, hei tā Bobby he nui ngā hua.

I tū hoki te mātanga mau pueru Māori, te toa hoki o New Zealand's Next Top Model a Danielle Hayes mō Miromoda mō te wā tuatahi, i whai tirohanga hōu hoki te kaimau pueru hōu a Waiaria Putaranui.