Kaupapa: Education

E whakamatauria ana tētahi kaupapa penapena pūtea i tētahi kura Māori

Wepiha Te Kanawa
  • Tāmaki Makaurau

Mā te whakaako i ngā tamariki ki te penapena pūtea, ka whakakorea te tūpono whakapau hē i ā rātou pūtea hei ngā rā kei tua.

Koinā tā te Komihana Raukaha Pūtea i te wiki o te moni, i a ia e hiahia puta ai te rongo o tana whakahau ki ngā tauira me ngā mātua ki te tiaki pūtea. Ki Tāmaki Makaurau, e whakamatauria ana tētahi kaupapa penapena pūtea i tētahi kura Māori o te taone.

Ko ngā nama tētahi o ngā kaupapa matua o te kura, hēoi he pēhea te pūtea?

E ai ki a Kataraina Ropati, “Ehara tēnei kaupapa arā te moni, te whakapau moni mō a mātou pēpi, taurima tae atu ki te tau whitu pea engari ki ōku whakaaro he kaupapa he pai tēnei kaupapa mō mātou ngā kaiako hei whakaako ki a rātou, kia mōhio pai rātou me pēhea te whakapau moni.”

Nō te huanui a tētahi kaupapa penapena pūtea ki te tonga o Tāmaki, kua kīa e Zella Morrison me wānangahia ngā take penapena pūtea ki te kainga.

E ai ki a Diane Maxmell o Te Komihana take Pūtea mā te kura e whakatau mena rānei ka ako a rātou tauira i ngā āhuatanga pūtea.

Engari mō ēnei hunga o Te Kura Māori o Waatea he take nui.

Hei tā Ropati, “Me mōhio moata mai ngā tamariki me pēhea te penepena i wā rātou moni, me pēhea te whakapau moni, whakapau tika i te moni, me pēhea hoki te tohatoha i te moni.”

Inānoa nei timata ai te kaupapa Kura Project hēoi ko te whainga kia toro atu ngā kura Māori o te motu ki tēnei kaupapa.