E whakahē ana te taone o Porirua i te take kaikiri

  • Te Whanganui-ā-Tara

Ko Porirua te taone nui tuatahi e taunaki ana i te kaupapa 'Give Nothing to Racism'.

Hei tā te koromatua o Porirua a Mike Tana, he taone iwi matarau a Porirua, ā, kei a rātou ngā tikanga, arā, ko te āhei ki te hanumi ahurea, hei aukati ana i mahi kaikiri nā kōna rātou i para i te huarahi.

Nōnātata nei i whakaputa ētahi o ngā tamariki mai i te kura o Holy Family ki Porirua i ō rātou kāre-ā-roto mō te hē o te whakahua o ā rātou ingoa, nā tērā i whai mana te kaupapa.

E mea ana a Tana, ki Porirua rā, i haina tōtika mai te kura o Holy Family i te kaupapa, ka mutu, e hangai ana tēnā ki te whakahua hē o ngā ingoa o ā rātou tauira. Nā kōna puta ai te kōrero me tautoko rātou i ā rātou tamariki, ka mutu, me kōrero anō te take nei.

Hei tā Tana anō, ko ngā mahi ka whakamana te kaikiri mā te korero, mahi hoki o te tangata te korero paki, ā, hei tāna anō kāore a Porirua i te whakaae ki aua kōrero.

Ko te whainga ko te whakaatu ngā momo ahurea ki ngā tangata mā te whakatū kaupapa a-hāpori. E whai marama ana mā te noho ki te kai, ki te kanikani me te whakanuitanga nui rawa o te rā o Waitangi, ko reira te timatanga, mā ērā whai marama ai te tangata ki ētahi atu.

Ko te tūmanako o Tana, kia taunaki ake ētahi atu taone nui i tē kaupapa.