Kaupapa: BUDGET

E whakahē ana Te Kaunihera o Tāmaki i te whakapae he moumou moni ngā ararewa reo rua

Talisa Kupenga
  • Tāmaki Makaurau

He rōpu moni kore hua e wero ana i Te Kaunihera o Tāmaki mō te tika rānei o te whakapau i ngā moni a ngā kai-utu tāke kia reo rua ai ōna ararewa.

Nō te Poutūterangi, ka tīmata te whakatauira i te kaupapa nei i ngā tari o te kaunihera, i te huarahi o Arapeta, he ono mano, e rua rau tāra te wāriu. 

E hāpai ana Te Kaunihera o Tāmaki Makaurau i te reo Māori, i te whakapaohotanga o te reo i ngā ararewa o te whare Kaunihera, ēngari arā te whakahē a ētahi mō te utu.

He hangarau hōu ka karangatia ai ngā ingoa, nama rānei o ngā papa o te whare. Tata ki te rua tekau mā iwa ngā papa, ā, he ingoa motuhake ki ia papa e hāngai pū ana ki te mahi kaumoana, ki te maramataka Māori rānei.

He orite te utu mo te reo kotahi ki te ararewa. Ko ta te Kaunihera he iti te wāriu o te tahua putea $3.7piriona te nui.

Ko tā te kaunihera kaore ano kia tau mena ranei ka kawea tēnei kaupapa ki nga tari puta noa.