Kaupapa: Environment

E whakahē ana te Archdeacon i te wehenga atu o Amerika ki te Whakaaetanga Āhuarangi o Parī

updated
  • Tāmaki Makaurau

Kei te kaha whakahē te ātirīkona o Te Tairawhiti a Hirini Kaa i te putanga o Amerika i te whakaaetanga āhuarangi o Parī. Kei te tū kotahi ngā kaiārahi o ngā hāhi o Aotearoa me ngā hāhi taunaki i te āhuarangi ki te whakahē i ngā mahi a Perēhitini Trump.

Ko tā ātirīkona Hirini Kaa, me kōkiri whakamua te whenua o Amerika i te whawhai kia aukati ai ngā hauhā korohū e paruparu ana i te āhuarangi.

E whakapono ana a Kaa ko ngāi Māori me ngā whanaunga o te Moananui ā Kiwa te hunga kei te kaha pākino i te tūāhua nei

I te tau rua mano tekau mā rima, kotahi rau e iwa tekau mā ono ngā whenua, waihoki a Aotearoa i tāmoko ai te Whakaaetanga Āhuarangi o Parī, i panoni i te marama o Mei kua hori, hei whakamahi i ngā rawa Māori, hei whakaiti i ngā hauhā korohū me te whakaheke i te pāmahana hurinoa i te ao.

E whakarite ana te hāhi Mihingare i te rautaki e whakaiti ai te hauhā korohū mā te wakarererangi hei painga mō ngāi moutere.