E whakahē ana a Patuharakeke i te whai a te Kaunihera ā rohe o Whangarei

Dean Nathan
  • Te Tai Tokerau

He whenua Māori  i hokona ki te karapu reihi hoiho o Whangarei ki raro rawa i tona tino wariu. 

Iaianei kua whakaaetia e te kaunihera o Whangarei kia whakarerekengia te mahere a rohe e taea ai te whakaahua i ngā tini rau kainga ki runga.

I tu atu I te tono, he kaupapa tenei kua tautokotia a putea e te kaunihera i tona whakatakoto mahere mō ngā ngahurutanga e tu mai nei.

Na te komihana motuhake tēnei take i whiriwhiri ahatia ko tētahi o ngā komihana tokotoru ko te kaikaunihera a John Williamson.

E mea ana a Patuharakeke, ko te papa reihi hoiho o Ruakaka he tino tauira o te mahi kuhu a te karauna me te kāwana a rohe.

No te tau iwa tekau ma tahi ka hokona e te kaunihera o Whangarei e rima tekau ma ono heketea mo te rua rau mano taara noa iho nei ko tona wariu I taua wa he neke atu i kotahi ira kati waru miriona taara.

Hei te po nei hui ai te poari o Te Patuharakeke ki te tiro i ngā ara e watea ana ki te kokiri i to ratou take ki tēnei whenua.