Kaupapa: Crime

Ē whakahē ana a Maikuku i ngā hāmene

  • Waikato/Te Waiariki

I te Kōti ā rohe o Te Awamutu tā mātou karere a Aroha Treacher i te tūnga o Maikuku i te rā nei.

Kua puta te kī a Jackie Maikuku, kaore ia i hara, ki te whakapae nāna tētahi pirihimana i patu.

I te Kohitātea I patua kinotia te āpiha takitahi o Kawhia a Perry Griffin e tētahi mapu pukuriri, whai muri i tāna ngana ki te mauhere i a Maikuku i runga i tētahi whakamana hopu tangata.

I tae atu tōna whānau ki te kōti, engari, ki tā rātou tērā te pōhēhē, he taihara rupe tā rāua tama.

I reira tōna pāpā i te wā i tūkinohia a Griffin, ā, ki tāna, kāore ia i kite i te ringa o tana tama e patu ana i a Griffin.

I te ra nei, i whāki a Maikuku mō ētahi atu hara kua ūhia ki ā ia. Hei te Haratua ka whakawāngia aua hara, engari, ka tū ia ki mua I te aroaro o te kōti a rohe o Kirikiriroa hei te tuawaru o Haratua.