E whakahaeretia ana e Ngā Pae o te Māramatanga tā rātau hui rangahau

Te Kāea
  • Tāmaki Makaurau

Tekau katoa ngā kai-kōrero matua rongonui i te ao ka kauhau atu i te tuaono o ngā hui whakawhanake i ngā mahi rangahau a ngā iwi taketake o te ao, ka whakahaeretia e Ngā Pae o te Māramatanga ia rua tau.

Ko tā ngā māngai iwi taketake o Amerika, he whakaputa i ō rātou āwangawanga mō ngā raru hauora e poke ana i o rātou hapori, e poke ana i ā rātou uri hoki o ēnei rā. 

I tu te ahorangi o te Whare wananga o Washington a Karina Walters ki mua i nga iwi taketake kotahi rau I te hui o Nga Pae o te Maramatanga, te whakapuaki i nga kaupapa hauora e pakino ana ki tona iwi, a Choctaw.

Hei tana kei te rongo tonu tona iwi I te mamae o o ratou tupuna mai I nga tau kotahi mano waru rau waru tekau i roto i ā rātou tūtakitakitanga ki a tauiwi.   

E metia ana kotahi o roto i te toru rangatahi Choctaw ka ngaua kinotia e te mate huka hei te tau rua mano rima tekau. Inaianei kua kake atu ki waenga I te whitu tekau ki te waru tekau orau te iwi Choctaw kei te mate huka.

I roto o te iwi o Mohawk I Kanata e pakinotia ana te iwi o  tenei Ahorangi o te Whare Wananga o Victoria e te PCB, he paihana e rere ana i roto i o ratou wai. Koira te oranga tonu tanga o te iwi Mohawk. 

Na te tino kaha o te PCB, I whakatahangia ai nga tikanga me nga kawa o te iwi Mohawk hei whakama ano i te wai ora o te iwi, noreira kei te rapu huarahi hou ratou ki te whakapakari ano I tō ratou rangatiratanga. 

A kua areare hoki nga taringa o te hunga kua whakarauika mai ki tenei kaupapa o Nga Pae o te Maramatanga. 

Ko te whakatau kua puta ake i nga rangahau a nga iwi taketake, kei ngā hapori tonu te whakautu e anga whakamua ai ō rātou iwi.