E whai wāhanga ana he poari kaitiaki Māori i ngā kaupapa miere

Mere McLean
  • Waikato/Te Waiariki

Hei hiki i te taha ohanga ki roto i te hapori, i whai tētahi poari kaitiaki ahu whenua i ngā kaupapa miere, engari he titiro ki te hau-hake i to rātou ake miere ma te whakamahi i ngā rakau a Tane, kua puta mai te miere Mahoe. 

Rima ira tahi piriona tāra te wariu o te miere ki te ohanga o Aotearoa - I te wa i timata te poari o Te Tuawhenua ki te hikoi i te ara miere, rima tekau ngā pataka miere i whakatuhia e rātou i te tau rua mano tekau, i tēnei wa he toru rau, waru tekau ngā pataka miere kei a rātou.

E rima ngā wāhi pēnei huri noa i a Ruatahuna, a ko ta Brenda Tahi tētahi o ngā mema kei runga i te poari ko tētahi wahanga e āta tirohia ana e rātou ko ta rātou ake miere he mea ahu mai i ngā pua o te rakau Mahoe. 

He oranga kei roto i ngā rerehanga a te pī, ko rātou ngā kaiwaihanga miere, ka awhina hoki i te tupu o ngā rakau me ngā putiputi, a, e whakahoki ana rātou i te manako nui ki roto i te hapori o Ruatahuna.  Kia eke ra ai te whakatauaki, iti rearea, teitei, kahikatea ka taea!