E whai ana te hunga rangatahi i ngā pōtae maha o te ao pakihi

Dean Nathan
  • Te Tai Tokerau

He whakakapi i ngā whārua o te mātauranga e arai ana i te pikinga ake o te ōhanga Māori ki Te Taitokerau.  Koinei te aronga o te kaupapa o Rangatahi Inc i rewa ki Whangarei hei hapai ake i te kaipakihitanga a te rangatahi Māori.  .

Kii katoa te whare i nga kaipakihi, ngā rōpu Māori ngā tōrangapu me ngā rangatira o te rohe hei hapai ake i te rangatahi.

Hei tā te rangatahi Māori a Lewis Paul ‘He mahi nunui tēnei ki ahau, ki ōku nei whakaaro, ki ōku ake wawata me ōku moemoea kia uru atu au hei turanga rangatira mō te iwi Māori.’

Me whakarite ka tika i tetahi kaupapa poipoi i te rangatahi kia hua ai te ohanga Māori.

E ai kī te pouako o Te Kāpehu Whetū a Nathan Mathew ‘E whakahihi rawa atu mō ratou, mō ratou kua tū ki runga i te atamira.  Ehara i te mahi ngāwari te mahi mama te tū ki runga i te whakaminenga pēnei i tēnei nōreira aku mihi nui rawa atu ki aua rangatahi aua taiohi kua tū ki mua i te aroaro ki te mura o te ahi i tēnei pō.

I konei ka rewa a Rangatahi INC hei tūāpapa mō ngā kaupapa pākihi a te rangatahi. Ka whakamahi ngā hua o tēnei pō hei tono i tētahi rōpū rangatahi Māori mātau ki ngā mahi pakihi ki New York me Chicago hei te Oketopa kia kitea e rātou ngā nekenekehanga ki etahi o nga makete nui rawa o te ao.

He huarahi hou tēnei mō Lewis Paul ‘Era atu o ngā ao katoa kia tū hei mangai hei mata hei reo mō te iwi Māori ara i roto i ngā hui o te iwi Māori whānui.”