E whai ana ngā rangatahi o Wairoa i te huarahi tika

Aroha Treacher
  • Te Tai Rāwhiti

Kei te whakakotahi ake ngā rangatahi o te tāone o Wairoa, kia tōrunga ai te wairua ki tō rātou tāone. Mō te wā tuatahi ka hāutetia e Wairoa Tapokorau te hui "Kaupapa Rangahi", ko te ia o taua hui ko te akiaki, ko te whakatenatena i ōna taiohi.

He waru mano neke atu te rahi o ngā tāngata e noho ana ki konei, otira, kua aronuitia e te hunga pāpāho mo ngā take kino. E ai ki ngā tatauranga kei raro tēnei taone e putu ana. Heoi kei te ngana marika ēnei taiohi ki te patu i taua tūāhuatanga.

E toru ngā rā te roa o tenei hui rangatahi, ka mahi rātou i ngā mea pai, kia whakapakari ai rātou i a rātou ano mā te kōrerorero ki ērā kei te whai i te iti kahurangi.