E whai ana a Mangere ki te whakaheke i ngā tatauranga momona

Renee Kahukura Iosefa
  • Tāmaki Makaurau

Hei whakarewa i te tau hou kua karapine mai te hapori o Māngere ki te ra kori tinana tuatahi o te tau.

E ai ki ngā kitenga a te Manatu Hauora, kei koni atu i te wha tekau orau o te iwi Māori he mōmona rawa, ā, tōna ono tekau orau o ngai iwi moutere e pera pu ana.

He kaupapa tēnei hei whakakotahi i ngā iwi rereke e noho ana ki te takiwa nei o Tamaki ki te Tonga. 

Na runga i te tini maha e noho taumaha ana ki te mate momona i ara ake te kaupapa nei hei whakapiki ake i te hauora, a, kia hihiko ai te wairua ki te kori tinana.

E whitu tau tēnei kaupapa e hāere ana, ka mutu, e wha enei momo hakina kori tinana ka tu ia wiki mo te kore utu.

I ara ake tēnei kaupapa whai muri i ngā pānga hauora e kaha ngau kino ana i te hapori nei. 

Ma te mate momona, ka pakia  hoki te tinana e te mate huka, mate toto pōrutu, mate manawa, mate pukupuku hoki.

Na tena ko te aro nui o te roopu nei mo te tau hou, kaua rawa e noho noa, a ,momona ake, engari kia kaha ki te whai whakāro ki to ake hauora i te otinga ake kei a koe te tikanga mo to ake oranga.