E weherua ana te hapori o Taranaki i te whai mana o te Māori ki te Kaunihera ā rohe

  • Te Tai Hauāuru

E ai ki tētahi mātanga tōrangapū, a Willie Jackson, kaore anō te koromatua o Taranaki, a Andrew Judd, e puta anō ana ki tōna tari na te mea kua tautoko ia i te take mō tētahi tūrū Māori ki tōna kaunihera.

He tata ki te rima rau ngā tāngata i whakarauika atu ki te whare whakātu o TSB Taranaki, ā i reira taupatupatu ai ngā kākā wahanui pērā i a Metiria Turei me Winston Peters i te take kua whakaweherua i te hapori nei.

I noho tahi ai te Māori me te Pākeha inapō, engari he rereke o rātou whakāro.

Kua weherua te hapori o Taranaki mo te whai wāhitanga atu o tētahi rohe Māori ki te kaunihera a rohe o Taranaki.

Nā te koromatua, a Andrew Judd, tēnei kaupapa i whakarikihia ki te aroaro o tōna kāhui māngai, engari ka noho ia pea hei kaiwhakaatu mō te take nei.

Engari he uaua pea te haere, nā te mea i noho pohane ētahi ki ngā kaikorero e kōrero katoa ana i te reo Māori.

Ki ta Tonga Karena ko te noho kuare tētahi āhuatanga e kaha kitea ana i konei, ā ko te mātauranga te rongoa.

E ai Ki tētahi o ngā kaiwhakahē, a Hugh Johnson, kua tata riro i a ia i ngā waitohu Rua Mano waru rau ki runga petihana, ā, e ai ki te ture mā tērā me whakatū te Kaunihera rā tetahi pōti motuhake mo te take nei.

Heoi te āhua nei kei a te hapori whānui o Taranaki te mana mēnā ka whai mana te Māori ki runga kaunihera.