Kaupapa: Rugby

E wātea ana a Kahui ki te tākaro i ēnei rā okioki

  • Waikato/Te Waiariki

Ahakoa e ngaua tonuhia ana te toki Chiefs nei a Richard Kahui e te  wharanga iohere kātete, ko tona manako nui, ka rite ia mō te tākaro a tana kapa ki ngā Sharks hei te pō o te Rāhoroi e haere ake nei.  Heoi kei te takuta o te kapa te kupu whakatau, ā, hei te Rāpare whakamōhiotia ai a Kahui. 

E whakapau kaha ana a Richard Kahui, kia piki tōna ora I te wharanga iohere kātete.  I mamae te iohere kātete mauī o Kahui i te tukinga i hinga ai rātou i te kapa Waratahs he rua tekau mā rima ko te rua tekau i ngā rangi okioki.

Kei raro te kapa Chiefs e putu ana whai muri i ngā hingatanga e rua i ngā wiki kua pahure ake nei, me eke rātou ki te taumata kē i tēnei wiki me te mōhio ko te kapa Sharks kei tō rātou aroaro.

Ko te whiringa toa o tērā tau te wā whakamutunga i tuki ai ngā taha e rua nei.

Ahakoa e mamae ana te whatianga o Aaron Cruden, ko te kōrero kua puta ka wātea ia ki te tākaro i tēnei wiki.

Kairīpoata:  Tamati Tiananga