E wahakarite ana a Kereama Pene mō te haerenga nui ki Ratana Pa

Tema Hemi
  • Tāmaki Makaurau

He āpōtoro o te Hāhi Ratana e whakarite ana ki te kawe i āna pononga ki Ratana Pa ki te whakanui i te kotahi rau ngā tau i te tatunga o te Wairua Tapu ki ā Tahu Pōtiki Wiremu Ratana. He hiringa wairua e ā hāere tonu nei i a ia. 

Ko ngā hihira whakamutunga i mua i te haerenga nui, hēoi mō ētahi he haerenga whakamutunga kē. Kō atu i te whā tekau ngā tau a Kereama Pene e tae atu ana ki Ratana Pa, ā, ū kaha ia ki te kaupapa e kukume nei i a ia ki te hui whakanui i te waru o Noema ia te tau. I te tekau mā rima o Hōngongoi tau rua tekau mā rima, i whakarehita te Hāhi Ratana hei hāhi motuhake ki Aotearoa nei, engari rā ko te rā nui whakaharahara o te hāhi arā ko te waru ō Noema. Hei te ata Rātu ka wehe ngātahi atu tēnei pahi me ngā pāriha o te hāhi ki te rohe whānui ō Tāmaki kia ahu atu ai ki Ratana Pa, e matapae ana e kō atu i te ono tekau mano tāngata ka tae atu hei te wiki e tū mai nei. 
 

Source: Te Hāhi Ratana Website.

Anei ko tā Pene mō ētahi o ngā kaumātua e haere ana ki Ratana Pa mō te kaupapa nui ki reira, "Ko te nuinga ō ēnei kaumātua e mōhio ana ko tēnei tō rātou haerenga whakamutunga ki Ratana Pa hēoi ko tō rātou hiahia kia haere mō te hemo tonu atu kia kaua e mate ki rō hōhipera i mea mai rātou tikina mai i ā mātou koira te whakapono ki te haerenga."

Anei ko tāna anō mō ngā mahi ā ngā pononga o te hāhi, "Ko tā mātou mahi he kaitiaki a he he pou kaihāpai i te rama, ko tā mātou mahi nui hei tiaki i te rama ehara nō mātou te rama. Ko tā mātou hei kaikawe hei whakapāpāho kia mōhio mai te ao whānui. I tatu mai ai te wairua mai i ngā rangi tuhāhā ki ōku tupuna inā kotahi rau ki muri, i kaha kōrero rātou i te tatunga mai o te Wairua Tapu ā i kowhiringia e ia i tētahi kaipāmu Māori hei māngai mō Ihoa ki runga i te mata o te whenua. Ko tana mahi nui kia whakakotahi i ngā iwi i raro i te maru ō Ihoa o ngā mano."
 

Source: Te Hāhi Ratana Website.

Mō ngā kōrero katoa e hāngai ana ki Te Hāhi Ratana tēna tirohia ki te ipurangi o Te Hāhi Ratana me te whārangi Pukamata.

Anei ngā whakaritenga mō ngā wāhanga rangatahi o te hui nui ki Ratana Pa.