E tūwhera ana ngā tatau o te hohipera o Middlemore ki te kaupapa o Matariki

  • Tāmaki Makaurau

E noho tuwhera ana ngā tatau o te hohipera o Middlemore i te tonga o Tāmaki ki te iwi Māori ki te whakahaere kaupapa hei whakanui i te wā o Matariki. Ko te whakatauki e tauawhi ana i te kaupapa, ko "Ngā Moemoeā o ngā Mokopuna".

Ohorere ana ngā iwi ka tae atu ki te hohipera o Middlemore hei tenei wiki, na te mea ka powhiritia ratou e ngā reo reka o ngā kaiwaiata Māori, ka kite ratou i ngā taonga Māori, ka rongo ratou i te kakara o ngā kai Māori.

Me te huhua noa atu o ngā kaupapa e whakanuitia ana i tenei wā o Matariki.

Tamariki mai, pakeke mai, he mahi raranga, he whakairo, he whakaharikoakoa i ngā tūroro me ngā kaimahi ano hoki o te hohipera nei, i raro i te kaupapa Ngā Moemoeā a ngā Mokopuna".

Koia nei te tuatahi o enei momo mahi ki roto i te hohipera o Middlemore i raro i ngā whakahaere a te Poari Hauora o Counties Manukau, me mihi kia Matariki, me mihi ano hoki ki te Poari hauora.