Kaupapa: Domestic Violence

E tūtohu ana a Wall kia takoto tētahi whakaaetanga me Ahitereiria hei whakahaumaru i ngā parurenga patu tangata

  • Te Whanganui-ā-Tara

E tūtohu ana te kaitōrangapū o Reipa, a Louisa Wall, kia takoto tētahi whakaaetanga me Ahitereiria hei whakahaumaru i ngā parurenga patu tangata.

I tērā wiki i whakapuaki ngā pirihimana o Queensland i mate a Tara Brown, ko te whakapaē nā tōna hoa rangatira o mua, nā Lionel Patea ia i whakamate i te Rātū.

Ko Tara Brown tēnā kua noho hei tohu mō te patu wahine, ahakoa rua tekau mā whā tau noa iho tōna pakeke.

Nā te matenga o Tara, i huri ai te kaitōrangapū o Reipā, a Louisa Wall ki te āki i ngā rōpū o te Whare Miere kia tautoko i tētahi whakaaetanga me Ahitereiria, ko tōna ito ia, he tiaki i te oranga o te tangata.

E ai ki te kaiwhakahaere o Te Whare Rokiroki, ki a Ange Chaney e rua ngā wāhine ka āwhinatia ia tau kia wehe ai i Ahitereiria.  Engari kei te nui tonu ngā wāhine e hia āwhina ana.

Otirā ka tino tautoko rātou i te whakaaetanga kua puta i a Wall.

Hēoi anō kua mate kē a Tara Brown, engari mā tōna matenga pea te tai e huri ai hei oranga mō te iwi ki tua.