E tupu mārika ana te Polycystic Ovaries Syndrome i roto i a tātou

Heeni Brown
  • Tāmaki Makaurau

I whakatau a Amanda Boyd he toru tekau mā whā te pakeke ki te mate polycystic ovaries i te wā i a ia e tekau mā ono tau te pakeke.

E ai ki a Ahorangi Cindy Farquar, ko tēnei mate polycystic ovaries he mea whakatau i te tātari o te wahine kua roa atu i te kotahi tau e wheeke ana te whakatō i te ira tangata ki tōna whare tangata, ka tahi.

Ka rua, ko ngā tohu o tēnei mate kīhai te rere o ngā wai a te wahine e tika ana, ka tupu ko te huruhuru ki te mata, ki ngā ū, ki te rei me te tuara, nā, ka kitea rawatia te pīmipara.

Atu i tēnā, i ētahi wā ka tāpiri hoki ēnei tohu ki te momonatanga.  

Heoi, mō ngā tau maha kīhai a Amanda i whakaaro ka whakawhānau tamariki a ia, engari, i tōnā kore mōhio ka tō ko te ira tangata ki roto i a ia, i te wā i whakangaro atu e ia te tekau mā whā kirokaramu, ā, iaianei he māma a ia.

Hei tā Ahorangi Farquar, me matua mōhio te tangata kia kāua e tatari noa, e kore e tāea te wahine te whai rongoā mō tēnei mate 'polycystic ovaries' pēnā he whā tekau tau neke atu te pakeke.