E tū tahanga ana te hapori o Manurewa hei whakakore i te āhuatanga kāinga kore

  • Tāmaki Makaurau

Kei te pukuriri te hapori o Manurewa i te matenga o tētahi tangata kainga kore i mua i tā rātou kuaha tonu. I tū tētahi hui ohorere i te rangi nei kia aronui ki te matenga.

I waho i te whare karakia kei te kokonga huarahi o Great South te tangata i mate ai.

Ko tā te kaimahi tūao a Debbie Munro, kua rahi ināianei, me mutu.

Ko ia te tuatoru o ngā tāngata kāinga kore kua hinga ki Tāmaki Makaurau i tēnei wiki.

E ai ki te māngai a hapori a Tūnuiarangi McLean i kimihia te tūpapaku i ngā arapiki o te whare. Ko tā ētahi mema o te hapori, i noho kainga kore anake ia mo ngā rangi e rua.

I tēnei wā, e whakarite ana te kaunihera i tētahi rautaki.

Ko tā Tunuiarangi McLean, "Tērā o ngā hui i waenganui i te kaunihera, te poari, ngā rōpu o te hapori nei. He tiro ki ngā rautaki kia anga whakamua ēnei o ngā kaupapa."

Engari, ko tā te kaimahi tūao a Debbie Munro me wawe te whakautu.  Hei tāna, me tuku mai tētahi whare āpōpō.

E tautoko ana a Tunuiarangi I ōna korero, "Kei te tautoko au i ēnei korero o te tuahine nei, me tirohia he rongoa mo naianei."

I kōrero a Te Kāea ki ngā pirihimana o Manurewa engari kāore ano kia puta ngā whakamarama.

E ai ki a Munroe, ko te wawata nui kia whai kāinga te katoa.

"Ko te poari whakahaere o te hapori nei e aukati ana ērā āhuatanga no reira koira te raru," e ai ki a Tunuiarangi McLean.

Ka tū tētahi hīkoi whakatūtū ki te hapori hei te Rāhoroi te 29 o Hōngongoi kia whakatika i te raru.