E tū matāra ana ngā karapu whakaora tangata i Te Taitokerau

Dean Nathan
  • Te Tai Tokerau

He tokorua kē ngā tangata kua toromi ki ngā moana i Te Taitokerau i tēnei raumati. 

Koia kei te mataara mai i ngā karapu whakaora tāngata o te rohe i tēnei wahanga o te tau.

Ko te kuare me te kore whai whakāro ki ngā ahuatanga o te moana tētahi mea e kaha kitea ana e ngā kai-tutei ki konei.  Hei ta rātou, koia hoki i tata riro atu ai tētahi tokorua i konei i ngā rā okioki.

Puta noa i te raki o te ika a maui, neke atu i te ono tekau ngā tāngata kua whakaorahia mai i te moana i te wiki kotahi kua pahure.

Ko tētahi ahuatanga kua kitea ake i tēnei tau, ko te kaha o ngā matua ki te tiaki i ngā tamariki mokopuna i te wā e kaukau ana. 

Nā, hei ta ngā kaitutei o tēnei one, me pera rawa ka tika pena e hiahia ana ngā whānau kia hoki ora atu ki te kainga i tēnei raumati.