Kaupapa: Welfare

E tū māro ana ngā kainoho kaporeihana whare

  • Tāmaki Makaurau

E whai ana tēnei i te hui inapō, i whakamōhiotia atu ai te mahere mō ngā whare hōu ka whakakapi i ngā whare kaporeihana o te rohe.

Kō atu i te whā tekau ngā tau te whānau Kanuta e noho ana ki roto i tēnei whare, engari ki tā te Kaporeihana Whare, me puta rātou hei te tuatahi o Hōngongoi.

Ko tā Cameron Cameron Kanuta, “ka noho tonu rātou ki reira e kore rātou mo te nuku atu, nā te mea ko aua whare ā rātou kainga.”

Ko tō rātou whare tētahi o ngā mea tuatahi kua whiriwhiria mō te hanganga hōutanga o Ukutoia, ko rātou hoki tētahi o ngā whānau e iwa e noho tonu ana i ngā whare kaporeihana.

Ko tā Kanuta ano “kei te kaha whakaiti te Kāwanatanga i te hunga rawa kore nā te mea e kore kē rātou e tāea te whawhai ki rō Kōti nā te nui o te utu.”

Koinei tētahi o ngā wāhi tekau mā waru e whakatūria ai he whare whā tekau mā iwa, he rua tekau mā whā o ērā he whare kaporeihana.

E noho whakatōpu ana ēnei whare, he whenumitanga o ngā whare kaporeihana, he whare tumataiti hoki, heoi, he whā rau mano ki te whitu rau mano tāra te utu.

Ko tā Liz Villi, “ko te nuinga  o te hunga e noho ana ki reira e kore e taea te utu i ngā rēti hou ka uru mai hei te wā ka whakatau i ngā whare hou ki reira”.

Ki tā te Minita Whare Kawanatanga he mea pai tēnei hanganga hōu nā te iti o ngā whare e wātea ana ki Tāmaki Makaurau.

Ka whakatu ngā whare ki nga tiriti o Eastview, Apirana me Castledine, e matapaetia ana ka whakatū aua whare hei te paunga o tēnei tau.