E totohu ana te mira o Tachikawa

Mere McLean
  • Waikato/Te Waiariki

Kei ngā ropu Māori o Rotorua te mana ki te hiki i ngā kaupapa ohanga o te takiwa - heoi ano e whakatūpato ana te mema o Reipa a Shane Jones me tana kī, kia matāra i mua i ngā mahi awhina i ngā kaupapa penei i te mira kani râkau o Tachikawa kua kati nei.

Kotahi rau, toru tekau ngā kaimahi i poroa o rātou tūranga i te mira o Tachikawa i tēra wiki - I konei te mira e mahi ana no te tau kotahi mano, iwa rau, waru tekau ma iwa - toru tekau ma ono paiheneti o ngā rakau i tukuna ki Hapanī, a i rere ngā korero mo te mira o Tachikawa ki roto i te Whare Paremata i te rangi nei me ngā māharahara nui ki ngā kaimahi.

Kua whakahaumarutia te wāhi o Tachikawa i Rotorua nei. E manako ana ngā māngai uniana ka whai whakautu rātou kia pai ai te tuku korero ki o rātou mema hei te wiki e tu mai nei, i ngā hui ki ngā kaipupuri e haere tonu ana.