E toru ngā mate i runga i ngā huarahi i ngā rā okioki nei

Te Kāea
  • Waikato/Te Waiariki

Ki te Waiariki, he taiohi anō kua hinga, he tekau ōna tau, i tukia e te motopaika.

I aituāhia a ia i te ara matua toru tekau pātata atu ki Rotomā inapō.

I haria ia ki te hohipera o Rotorua, nāwai ka mate atu i reira. Nā tērā, e toru ināianei ngā mate i runga i ngā huarahi i ngā rā okioki nei.

I te Rāmere te aituā tuatahi o te hararei, i te matenga o tētahi tangata i te tukinga o tētahi taraka ki te motokā ki Pukeatua, whakateraki i Tāmaki.

He tangata anō i aituāhia i te tukinga o tētahi taraka i te ara matua tuatahi, whakatetonga i Lichfield ki Waikato i te Rāhoroi.

Ki Ōtepoti, e whitu tekau mā waru nga tau o tētahi kuia i tukia e te motokā inapō, ā, i whara kikino ia.  He wahine atu anō e noho taumaha ana whai muri i tētahi tukinga i Aorangi i te ata hāpara nei.