Ngā kaupapa: Entertainment, Tūhoe

E toru ngā kiriata e here ana ki a Tūhoe ka whakaatuhia ki te ahurei kiriata o Aotearoa

updated Mere McLean
  • Waikato/Te Waiariki

Ka whakaatu mai tētahi kiriata e whakaatu ana i te orokohanga o te whare ora tuatahi ki Aotearoa hei te marama e haere ake nei ki te ahurei kiriata o Aotearoa ka tū ki Tāmaki Makaurau. 

Ever the Land he kiriata nā Sarah Frohnert, he pūrakau ki runga o Te Wharehou o Tūhoe. 

Kua toru tau e mahia ana, engari ko tā te kiriata nei, Ever the Land he tohu i te hītori o Aotearoa mā roto i te pūrakau o te whare ora tuatahi ki Aotearoa, Te Kura Whare.

E ai ki tētahi kaimahi o Te Uru Taumatua, a Waikare Kruger, “E toru tau nei te rōpū Monsoon Pictures i noho i tō mātou taha ki te whai i te kaupapa o Te Kura Whare, ā, kua tutuki te wāhanga ki a rātou.”

Tekau mā rima miriona tāra te utu mo Te Kura Whare i whakaatu i tētahi ara hou ki te whakatū whare.  He whare kua whakanuia ki tā wāhi, ā, he kōrero i ngākaunuihia e te ringatohu e Sarah Crohnert.

Ko tā Waikare Kruger o Te Uru Taumatua i hāpai tēnei kiriata i a Tūhoe ki te rekoata i ngā ekenga pae a te iwi, ko ngā kōrero i waenga i te Karauna me te Kāwanatanga o Aotearoa.

Hei tā Waikare Kruger, “Kia kitea mai e Tūhoe i tēnei whare i tutuki ai e rātou, ā, hei tohu anō ki tēnā, ki tēna o tātau me ngā tamariki e whai ake nei, ka tāea e tēnei e rātou.”

E toru atu anō ngā kiriata, pakipūmeka e here ana ki a Tūhoe ka whakaatuhia ki te ahurei kiriata o Aotearoa hei tēra marama. 

I tua atu i a Ever the Land, ko te pakipūmeka “The Price of Peace” e titiro ana ki ngā mahi whakatumatuma o Operation8 me te kiriata poto “Ow What” e whakaatu ana i te aroha mō te whutupōro.