Kaupapa: Kapa Haka

E tono ana a Tamaki mo ngā tira e whā ka tu hei māngai mo te rohe ki Te Matatini

Wepiha Te Kanawa
  • Tāmaki Makaurau

Ko Te Waka Huia, Ngā Tūmanako me Te Rōpū Manutaki ngā kapa e toru kua tohua mō Tāmaki makaurau, hēoi kei te pīra kē ngā māngai o te takiwā kia whakahoungia atu he rōpū tuawhā.

Nā runga i te whakakoretanga o ētahi kapa rua, e toru noa ngā kapa i tohua, inā ko te tikanga e whā kē ngā kapa ka tohua. 

I whakakorea tētahi rōpū nā te nui o ōna kaihaka ki te papa tūwaewae, ā, i whakakorea tētahi nā runga i te taitamariki o tētahi o āna kaihaka.

Heoi, tērā te tono kei te whārikihia ki Te Matatini e mea ana, he pēpi kē te kaihaka tamariki, i te mau pekepohotia ki te uma o tōna māmā, nāreira ehara i te mea he kaihaka tūturu nei a ia.

Ki te whakaae atu Te Matatini ki te tono, ka taea tā Tāmaki e wawata nui nei, arā te tuku i tētahi kapa tuawhā, ā, ko Te Manu Huia tērā.