E tirotiro tonu ana ngā pirihimana ki te matenga o tētahi tauira

  • Tāmaki Makaurau

E takoto ana te tūpāpaku o Stephen Dudley ki tōna kāinga i te uru o Tāmaki Makaurau, ā, e tangihia ana e te huhua.

Koia rā i mate, i tētahi whawhai, whai muri i tana whakaharatau whutupaoro i te ahiahi pō o te Rāpare.

Nā te kaha ohorere i te rironga o te uri o Te Rarawa, o Ngāpuhi, e wawata ana te whānau o Dudley kia whai akoranga te hunga taitamariki.