Kaupapa: Housing

E tipu ana te hunga noho kore kainga ki Whakatāne

Mere McLean
  • Waikato/Te Waiariki

Rima tekau mā toru te hunga noho kore kainga ki te puku o Whakatāne, ā, kei te piki tonu ngā tatau e ai ki te heamana o te rōpū mo te hunga noho kore kainga ki Whakatāne a Judy Turner. Nōna tata nei i whakatūwhera tētahi whare mo te hunga noho kore kainga ki te taone. I roto i tōna wiki tuawhitu e haere tonu ana ngā mahi o Te Whare Manaaki ki tā Cheree Latham kaitunu kai mo te hunga noho kore kainga. “He mea nui te kite i a rātou e hara mai ki te kai me te whakarite i a rātou mo te rā, me te awhina i a rātou ki te taha o ngā kākahu”.

E rima rā o te wiki kei te whāngai Te Whare Manaaki i te parakuihi ki te hunga noho kore kainga, i te timatanga o tēnei tau i kite ake ngā pouarahi o te hapori me ngā rōpū i te pikitanga o te hunga noho kore kainga.

Hei tā Judy Turner, heamana o te komiti awhina i te hunga noho kore kainga “i tēnei wā ko te tirohanga o to mātou komiti ki te hunga moe ki runga i te tiriti ki Whakatāne, he rohe nui tonu mātou nō reira kāre i a mātou ngā tatauranga mo rātou kei ngā tuawhenua heoi kua piki te nui o te hunga nei”. Kua noho kore kainga ana a Deesilver Pitau ki Whakatāne mo te tau ka huri hei tāna kua whai wāhi te hunga noho kore kainga.

“Kāre au i runga i te penehana, kāre au i te hiahia ki te haere ki runga i te penehana, kei te kimi mahi ahau engari kāre e nui ngā mahi ki Whakatāne nei”. Ko te wero mā tātau, kāua ko te whakawā i te hunga noho kore kainga, engari ko te tuku awhina, engari ko te pātai ia, tuku awhina pēhea nei? Mo te pāhi o te hāhi New Hope a Darryl John Pye “he pai to mātou rōpū, heoi kei te kimi tautoko kē mātou, kia nui ngā tāne hei tiaki i te wāhi nei. Ko te māharahara nui mo te hunga mahi tahi me te hunga kore kainga ki Whakatāne ko te wāhanga o te takurua, heoi mo tēnei wā ko te hoatu papanarua me te kai tētahi huarahi pai.