Kaupapa: Employment

E tautoko ana tētehi kuia i te hanga rautaki mō ngā kaimahi taipakeke

Mānia Clarke
  • Te Tai Tokerau
  • Tāmaki Makaurau
  • Waikato/Te Waiariki
  • Te Tai Hauāuru
  • Te Tai Rāwhiti
  • Te Whanganui-ā-Tara
  • Te Waipounamu

Tērā te matapae ka kake te tokomaha o ngā kaimahi kaumātua ki te kotahi ira rua miriona hei te tau rua mano toru tekau mā ono. Nā, ko te wero ki ngā whare mahi mai i te uniana EMA me whakaraupapatia he huarahi mo rātou kua hipa i te rima tekau tau te pakeke.

Ahakoa e ono tekau mā whitu tau te pakeke o tēnei kai kupu hauraro, kaitohutohu anō hoki i te tūmomo korikori tīnana a Zumba, e koi ana te hinengaro, e nakawhiti hoki ana te tinana.

“Mēnā kei te kaha tonu te hinengaro ki te mahi, kei te kaha ngā ringa nei ki te patopato i te mihini, kei te kaha te tīnana nei ki te mahi tonu ki te hīkoikoi, ki tiaki, ki te aha, ki te haerēre, e kore au mō te mutu i te mahi,” i kī atu a Te Wanihi Edwards.

E matapaetia ana hei te rua mano toru tekau mā ono kotahi mano ira rua miriona te hunga kaimahi kei kō atu i te ono tekau mā rima tau te pakeke. Hei tā te Minita mō ngā kaumātua, hei tā Tracey Martin me āta whakarite whakahere ngā kaihautū mahi i te rahi haere o ngā kaimahi taipakeke.

“They need to consider the fact that they have to change right now,” i kōrero atu a Martin.

“They have to be considering how are we going to change our workplace for what is here now.”

Ka mutu, i te rā nei i whakarewa i a Martin te tuhinga whakawhiti kōrero White Paper: Act Now Age Later, mā te kāwanatanga, mā ngā ūmanga mā ngā uniana mahi hoki kia whakawhanake ai i tētehi rautaki whanaketanga mahi mō te hunga pakeke.

“The skills are in that workforce but they need to be starting to look at flexible ways that they can keep their 55 pluses, their 65 pluses connected to their businesses,” i kī atu ia.

“Me kaha rātou ki te whakatōpū i ngā pakeke, noho ngātahi, whakaaro anō ki a rātou,” i mea atu a Edwards.

“He aha ngā mea, e whakakaha i a rātou kia ahei tonu ai rātou ki te noho ki te mahi.”

E toru ngā tohutohu a te ohu kaimahi, arā, he whakawhanake i ngā rauemi mā ngā kaiwhakahere mahi me ngā kaimahi.