Ngā kaupapa: Tainui, Welfare

E tautoko ana a Oranga Tamariki i a Mokopuna Ora hei painga mō te iwi

  • Tāmaki Makaurau
  • Waikato/Te Waiariki

He kaupapa manaaki mokopuna kua whakawhānutia ki Tāmaki Makaurau, ki te marae o Papakura.

Ka mahi ngātahi te manatū Oranga Tamariki me Waikato Tainui ki te tautohu i ngā whānau me ngā hapū o ngā uri mokopuna ka noho i raro i tō rātou maru.

I te tau e rua mano tekau mā rua, nā te Minita nā Paula Bennett te kaupapa i kōkiri ki te kāhui rangatira ā iwi.

I Kirikiriroa te hōtaka tuatahi i whakatū ai. Kua āwhina rātou i ngā whānau ono tekau mā ono me ngā mokopuna kotahi rau whitu tekau mā toru. Arā, e ono tekau mā ono ngā mokopuna e noho ana i te taha o ō rātou whānau.

Ko tā Rāhui Papa, "I roto i ēnei whā tau kua whakahaerehia ki roto o Waikato kua tino kitea te hua o tēnā mahi tahi, nō reira, kua whakamānutia i roto o Papakura tekau mā whā mano tāngata e noho ana ki roto i te Tonga o Tāmaki.

Ka whakamahi te tari Oranga Tamariki i ngā hua ka puta i te kaupapa tekau mā rua marama te roa, hei whakapai ake i ā rātou ratonga manaaki tamariki.