Kaupapa: Tūhoronuku

E tautohe tonu ana nga whakataunga kereme o Ngāpuhi

Dean Nathan
  • Te Tai Tokerau

He take tenei i hua ake, whai muri i tā Te Kotahitanga hui ki te Minita Take Tiriti, me tā ratou tohe tonu atu ki te rōpu Tūhoronuku e whai ana kia riro i a ia te mana whakatau i ngā kereme katoa o te iwi.

E whakapae ana Te Kotahitanga o ngā hapu o Ngāpuhi kei te mahi tinihanga tō ratou Runanga kia noho ko ia hei rangatira hei muri i te whakatatūtanga o ngā kereme. Ko tā te heamana o Te Kotahitanga a Pita Tipene “ e awangawanga ana mātou i runga i nga mahi tinihanga i nga teka me ēna momo mahi, nā reira ko to mātou hiahia kia pūare ai ngā pukapuka kia kitea ai te katoa he aha ngā tino mahi ā te Runanga me Tuhoronuku.”

Kei te takiwa o te toru miriona tāra kua whakapauhia e Te Rūnanga a Iwi o Ngāpuhi me te Karauna hei kōkiri i te rironga o te mana whakatatū i ngā kereme katoa o Ngāpuhi te rōpu Tuhoronuku. Ko tā Pita Tipene ano “e mohio ana a Ngāpuhi ko te uptake ko te papa o Ngāpuhi ko ōna hapu kahore kee ko tetahi Rūnanga. Koia tenā te take i haere ai te Kotahitanga o Ngāpuhi whānui ki te kōkiri i tenā take te whakaputangame te tiriti ki mua i te aroaro o te Taraipiunara”. Heoi ko te whakahoki a Sonny Tau te heamana o Tuhoronuku, ‘kare he rōpu ki waho rā ka tāea te whakatutuki i nga hiahia o Ngāpuhi ki raro i nga take kereme”.

Ko te Tiriti me te Whakaputanga o te Rangatiratanga o Niu Tireni te uptake o ngā kereme ki te nohonga tuatahi o te taraipiunara o Waitangi ki roto o Ngāpuhi engari e tatari tonu ana kia puta mai te pūrongo ā te taraipiunara mō taua kereme. Ka mutu e marama ana te Kotahitanga e kore hoki e ea ngā oati o aua kawenata e rua mā te haere tika ki te tēpu whiriwhiri ā te Karauna.

He take tenei kua roa kē e tohe ana e kore hoki e tatū i roto i te wā poto.