E taunaki ana a Pahikara Aotearoa i ngā kaumātua

  • Te Tai Rāwhiti

Na Pahikara Aotearoa te powhiri kia whakakao mai te hunga pakeke me ngā kaumatua, ki te whakapiki o rātou pukenga eke pahikara, me te whakapiki ano i o rātou hauora.

Hei tā Donna Whitiwhiti, “Ki te ako i ngā ture e pā ana ki te eke pahikara, ki te tautoko i te kaupapa, Kaumatua Eke Pahikara.”

Tua atu i te whakakoikoi i ngā pukenga, tera atu ano ngā hua ka puta, me kii i te taha hauora, te whakataetae ano hoki.

Hei tā Donna, “Ki te piki ake to matou ora, i te mea he maha ngā kaumatua e mauiui ana, na ka haramai mātou ki te whakapakari i te tinana.”

Ko te tumanako ka piki ngā nama o te hunga pakeke, hunga kaumatua hoki ka whai whakāro atu ki te tautoko i tēnei kaupapa a Pahikara Aotearoa.